Ġeaf Cedd Halga þone Wōl tō manigum?

Þonne cwæþ MynċBynċ:

Cedd sunu Cummingsan hātte for Engliscum halgan þǣm þe āfōr tō Norðanhymbran Rīce and steorf of wōle æfter hē ġeaf hit manigum ōðerum. Ne mæġ þū āþenċan þis from nāhte. 

Dōminiċ Cummings is heāhwitan tō Borise Īonsunan Fullmagenan on Engelande. Þes Māius þā hē tō his hīrdcrofte āfōr, þā Engeland forbēad āfārunge forþām þǣr is Corōnādle. MynċBynċ bodaþ þæt Cummings dyde ilċe swā se halga dyde se þe hātte ēac his sunu.  Tō sōðan, mǣnþ hē þæt se Halga Cedd sprǣdeþ ādle þurh fārunge.

Ac nis þis riht. Halga Cedd was Norðanhymbran biscop on þǣm seofoðe hundtīentiġearan. Ġēse, steorf hē of wōle, ac ne ġeaf hit tō Norðanhymbran Rīċe.

Hēr wrōte Bēde be Ceddes dēaðe:

"Þā hē þā maniġ ġear on þǣre foresprecenan mæġðe biscophād þeģnode, swīlċe ēac þisses mynstres ġemǣnne dyde, and þǣr prafost and ealdormann ġesette, þā gelimp þæt hē tō þǣm selfan mynstre becōm on þā tīde þǣre miċlan dēaðliċnesse and wōles, þe ofer menncynn cumen wæs. Þā wæs hē þǣr ġestonden liċhamlicre untrymnesse and forðferde: and his liċhama wæs ǣrest ūte bebryged. Þā wæs æft forðgongendre tīde on þǣm ilcan mystre stǣnen ċiriċe ġetimbred, on āre þǣre eadigan fǣmnan Sca Marian, and æft on þǣre his liċhama ġeseted wæs, be suðan þǣm wīgbede.

"Sealde hē se biscop þæt mynster tō reċċenne æfter him Ċeaddan his breðer, se wæs æfter þone biscop ġeworden and haliġ Godes mann, swā wē heræfter secgaþ. Wǣron hīe fēower ġebroðor Cedd and Cynebil and Cælin and Ċēadde, ealle Godes sācerdas, þæt seldon ġemēted biþ, mǣre and gōde. Tweġen wǣron biscopas, tweġen wǣron mæssepreostas þā selestan. Mid þȳ þā broðer þā ġehīerdon, þā þe on his mystre wǣron on Ēastseaxna mæġðe, heora biscop forðferendne and bebyrgendne on Norðanhymbrum, þā eode heora þritiģ of þǣm mynstre and þider cōmon. Woldon hīe and willnodon æt heora fæder līċe oððe Gode lifgan, ġif þæt Gode liċade, oððe forþferde þǣr bebyrged bēon. And hīe lustlīċe from þǣm broðrum þæs mystres onfangne wǣron. And hīe ealle þǣr mid þȳ wæle þæs foresprecenan wōles hredlīċe forðferdon and bebyrgede wǣron, būton ānnum cnihte, be þǣm cuþ stondeþ, þæt hē mid ġebedum þæs halgan biscopes from dēaðe ġescielded wæs."

Swā, magon wē sēon þæt Sca Cedd ne ġeaf wōl tō Norðhymbran Rīċe. Hē steorf from wōle æfter becōm hē þǣr. And lator weorþ hit þæt munucas from Ēastseaxna āfōron þider and ēadiġ meahten bringan wōl mid him.